Goierri Valleyko HUB 4.0 Laborategiarentzat, 2024a ziztu bizian igaro da, erronkaz beteriko urtea izan da. 2024an, gure helburua sendotzea lortu dugu, hau da, enpresak 4.0 industriaren teknologietara hurbiltzea.
2023ra jotzen badugu, HUB 4.0 laborategiaren bizitzako lehen urtera, geure burua ezagutzera eman genuen batik bat, betiere egokituz eta ikasiz enpresen eta haien kontsulten eskutik.
Askotan, aurretik definitutako funtzionamendua eta zehaztutako erantzun beharreko erronkak ez dira zehazki bidean aurkitzen dituzunak.
2024. urtean, berriz, ditugun tresnekin, eta gure sorreratik enpresen beharrei buruz ikasi dugun guztiarekin, modurik onenean egokitu ditugu gure zerbitzuak erantzun azkarrak sortu eta soluzio zehatzekin laguntzeko, gure laborategian eta berrikuntza poloan ditugun teknologiak erabiliz.
2024an aldaketa horiek finkatu egin dira. Enpresak bisitatu ditugu eta, haiekin batera, gai izan gara aplikazioen zerrendak egiteko eta soluzio ugari garatzeko, non fabrikazio gehigarriak, eskaneatzeak eta 3D diseinuak balioa ematen duten.
Azken batean, pentsaerak aldatzen laguntzea, etorri diren teknologiak erabil ditzaten eta ukigarriak diren soluzioak lortzen laguntzeko.
Eta, tira, hau oso polita da, baina zer esan nahi dugu horrekin guztiarekin. Zertaz ari gara zehazki soluzio ukigarriak lortzen laguntzen dugula diogunean?
LAN METODOLOGIA
HUB 4.0ko taldeak enpresa bat bisitatzen duenean, produktuei dagokienez gauzak nola egiten ari diren jakiteko da. Tresneria, prototipoak, ordezko piezak, eta gure laborategian eta berrikuntza-poloan ditugun tresnek hobetzen lagun diezaieketen detektatzea da helburua.
Gure ezagutzarekin eta esperientziarekin, prozesu horretan lagungarri izan daitezkeen aplikazio-taldeak detektatzeko gai gara, eta, egun batzuen buruan, txosten bat bidaltzen diogu enpresari, hobetu beharreko puntuak proposatuz, irtenbide zehatzekin. Puntu horretan, zuzenean proba daitezkeen aplikazioak daude, eta garapen jakin bat behar duten beste batzuk. Aldi berean, badira ezkutuan geratzen diren aplikazioak, gure ko-sorkuntza saioen bidez argitara atera ohi direnak.
Nolakoak dira HUB 4.0ko baterako sorkuntzako saio hauek?
Enpresa batek bere prozesuak hobetu nahi dituenean gure teknologien laguntzaz, jardunaldi pertsonalizatu bat egiten dugu sail edo atal gakoetako ordezkariekin, goiz batean lan bat egin eta aplikazio-jasa bat eragiteko. Jardunaldia amaitzean, aplikazio posibleen zerrenda batekin geratzen gara. Aplikazio horiek, gero, Hub 4.0-k aztertzen ditu, eta lehentasuna ematen zaie enpresari onura gehien dakarkiotenak zein diren zehaztuta. Teknikoki eta ekonomikoki ebaluatzen ditugu. 3D inpresioaren bidez, 3D eskaneatzearen bidez, alderantzizko ingeniaritzaren bidez eta Goierriko berrikuntza poloan ditugun gaitasun guztien bidez konpon daitezkeen aplikazioez ari gara.
Tresna ugari detektatu ditugu, non metalaren ordez errendimendu handiko polimero teknikoak erabil daitezkeen. Enpresek, kostuak optimizatzeaz gain, entrega-epeak mekanizatu beharreko piezak bidaltzean baino 10 aldiz laburragoak lortzen dituzte.
Badira kasuak ere, 3D inprimaketak ematen digun diseinu askatasunarekin, lehen planteatu ere egiten ez ziren soluzioak emateko diseinuak lortzen ditugunak. Horren adibide da pieza konplexuetarako mekanizazio-zentroetan lotzeko atzapar pertsonalizatuak diseinatzea. Proiektu hori egiten ari gara gaur egun, baita hodia tolesteko tresneria eta zulaketarako gidak ere.
Pieza mekanizatuak ez kaltetzeko babesgarrien fabrikazioa ere bultzatzen ari gara, bai jasotzeko, garraiatzeko edo mantentze-lanetarako.
3D eskaneatzearen kasuan, katalogotik kanpo geratu diren ordezko piezen eskaneatzea eta alderantzizko ingeniaritza egiten ari gara.
JASOTAKO KONTSULTAK
Aurten, HUB 4.0 Laborategian, gure zerbitzuak erabiltzeko 80 eskaera baino gehiago jaso dira, 22 enpresatatik etorriak. Enpresa horien % 90 Goierri eskualdekoak dira.
2024an, oso inplikatuta dauden enpresekin egin dira proiektuak, eta horietan lortu ditugun emaitzak kasu arrakastatsu eta dibulgazio-jardunaldi bihurtu dira, enpresek jakin dezaten zer egiten ari diren beste batzuk.
2025
2025ean jardunaldi hauekin jarraitzeko asmoa dago, Goierri Valleyko web eta sare sozialen bidez eta gure datu basearen bidez komunikatuko direnak.
Gogotsu jarraituko dugu lanean industriarekin elkarlanean jarraitzeko, egiteko modu berri horiek hartzeko.
Jardunaldien berri emateko zerrendetan parte hartu nahi baduzu edo kontsultaren bat egin nahi badiguzu, bidali mezu bat Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera, eta atsegin handiz erantzungo dizugu.
